तोष्णीवाल महाविद्यालयात बँकिंग क्षेत्रातील करिअर आणि इतर स्पर्धा परीक्षांसाठी मार्गदर्शनपर कार्यक्रमाचे आयोजन

तोष्णीवाल, कला, वाणिज्य व विज्ञान महाविद्यालय, सेनगाव येथील करिअर मार्गदर्शन (करियर कट्टा) कक्षाच्या साह्याने “बँकिंग क्षेत्रातील करियर आणि इतर स्पर्धा परीक्षांसाठी मार्गदर्शन” या कार्यक्रमाचे आयोजन करण्यात आले.
याप्रसंगी कार्यक्रमाचे अध्यक्ष म्हणून महाविद्यालयाचे प्राचार्य डॉ. एस. जी. तळणीकर तर प्रमुख मार्गदर्शक म्हणून श्री गणेश कमल उत्तमराव दहातोंडे, व्यवस्थापक (आयबीपीएस प्रोफेशनरी ऑफिसर (पीओ)), कर्नाटका ग्रामीण बँक, बल्लारी हे लाभले होते. याप्रसंगी अंतर्गत गुणवत्ता कक्षाचे समन्वय डॉ. राजेश जोशी, स्पर्धा परीक्षा मार्गदर्शन कक्षाचे श्री. अरविंद नाईक‌ व डॉ. धनाजी पाटील, कॉमर्स विभागचे डॉ. संजय अग्रवाल मंचावर उपस्थित होते.
यावेळी डॉ. धनाजी पाटील यांनी महाविद्यालयातील स्पर्धा परीक्षा मार्गदर्शन कक्ष स्थापनेचा हेतू व कार्य विशद करून सदर कार्यक्रम हा विद्यर्थ्यासाठी आयोजीत करण्यात आल्याचे सांगितले. तसेच त्यांनी पाहुण्यांचा अल्पसा परिचय सुद्धा दिला.
सदर कार्यानक्रमाच्या उद्घाटन प्रसंगी कार्यक्रमाचे अध्यक्ष प्राचार्य डॉ. एस. जी. तळणीकर यांनी विद्यार्थ्यांना सदर मार्गदर्शन कार्यक्रम व स्पर्धा परीक्षा कक्षाची मदत घेऊन बँकिंग क्षेत्रातील विविध संधी आपले करिअर म्हणून निवडून यशस्वी होण्य्शाठी खूप मोठी संधी उप्लब्थ असल्याचे सांगितले.

दिनांक: २१ जानेवारी २०२५

श्री. गणेश दहातोंडे सरांनी आपल्या मार्गदर्शनात प्रथमतः यूपीएससी, एमपीएससी व आयबीपीएस परीक्षेची ओळख करून दिली. आपल्या अनुभवातून त्यांनी ग्रामीण भागातून असलेला एखाद्या विद्यार्थी शहरी भागात गेल्यानंतर आर्थिक कारणामुळे न्यूनगंडासमोर जात असल्याचे ही नमूद केले.  त्यांनी स्पर्धा परीक्षेची तयारी करीत असताना आपल्याकडे प्लॅन बी ची गरज असल्यचे आवर्जून सांगितले. आपण प्रथमतः आर्थिक साक्षर होऊन आपल्या कुटुंबाचा भार उचलणे गरजेचे असल्याचे सांगितले आणि बँकिंग हे सेक्टर त्यांनी प्लॅन बी म्हणून वापरलं. त्यांनी सहा महिन्याच्या यु टूब वरील मोफत मार्गदर्शन व स्व अभ्यासांती हे येश संपादन केल्याची आपली संपूर्ण कहाणी विद्यर्थ्याना सांगितली. यश संपादन करण्यसाठी विद्यार्थ्यांनी शिकत असताना आपला वेळ कॉलेजमध्ये जास्तीत जास्त देऊन उपलब्ध असणारे कॉम्प्युटर, पुस्तके, मासिके, वाचन कक्ष व स्पर्धा परीक्षा कक्ष यांचा भरपूर उपयोग घेऊन आपणाला सशक्त व गुणवंत बनवण्याचा प्रयत्न केला पाहिजे असे नमूद केले. शिकत असताना या सोई आपणाला मोफत मिळत असतात, पण एकदा, आपण शिक्षण पूर्ण केले की ते आपणाला पैसे देऊनही लवकर मिळत नाहीत याची आवर्जून नोंद केली. बँकिंग क्षेत्र हे खूप मोठे क्षेत्र असून या क्षेत्रात रोजगाराच्या भरपूर संधी उपलब्ध असून त्यांचे पगारही मोठे असल्याचे त्यांनी नमूद केले. परंतु हे क्षेत्र महाराष्ट्रातील विद्यार्थी यांच्याकडून दुर्लक्षित होत असल्याचे सांगितले. फक्त सहा महिन्याच्या अभ्यासाने त्यांनी कर्नाटका ग्रामीण बँक, बल्लारी येथे ते रुजू होत असल्याचे सांगितले.
सदरील कार्यक्रमाचे सूत्रसंचालन डॉ. राजेश गोरे यांनी केले तर आभार प्रदर्शन डॉ. भगवान घुटे यांनी केले. कार्यक्रमाच्या यशस्वी करीता डॉ. दत्ता सावंत, डॉ. संदीप मरकड, डॉ. हेमंत शिंदे, श्री. कुलदीप पवार व आदि कर्मचारी वर्ग यांनी प्रयत्न केले. सदरील कार्यक्रमासाठी मोठ्या संख्येने विद्यार्थी व शिक्षक उपस्थित होते.